Mae modd rhoi ein cysylltiad Ogi Pro yn dy leoliad drwy ein rhwydwaith ffeibr llawn newydd sbon, neu drwy rwydweithiau ein partneriaid. Felly os nad wyt ti yn un o ardaloedd Ogi, paid â gofidio – fe elli di gofrestru i gael gwasanaeth rheoli cyfrifon rhagorol Ogi o hyd.
Mae gennyn ni atebion i dy helpu i reoli dy ddata, i fanteisio i’r eitha’ ar dy rwydwaith, ac i bweru dy dimau i weithio’n fwy clyfar ac yn fwy diogel – waeth ble mae’r swyddfa heddiw.
Dere i ni gychwyn…
Band eang i fusnesau a llawer mwy
Ydy, mae Ogi Pro yma i roi gwibgysylltiad hynod o ddibynadwy i ti – ffeibr llawn i’r lleoliad neu wasanaethau llinell penodol. Ond dim ond dechrau pethau yw’r gwasanaeth cysylltu hwn. Fe allwn ni roi hwb i dy adran TG gyda chynhyrchion sydd ar flaen y gad yn y farchnad, ynghyd â rhannu ein harbenigedd drwy helpu dy fusnes i weddnewid pethau’n ddigidol.
Mae Ogi hefyd yn rhoi cyfle i gwsmeriaid busnes bweru eu perfformiad digidol gydag amryw o wasanaethau rheoli TG. Sgwrsia â’n tîn Datblygu Busnes i greu map digidol sy’n addas i ti, gan ddewis a dethol er mwyn cael dyfodol symlach, gwell ym myd TG.
Pweru busnesau
“Pan wnaethon ni holi aelodau posibl a chwsmeriaid i gychwyn, fe wnaethon ni ddeall bod angen inni gynnig coffi gwych, gofod gwych, ond hefyd, rhyngrwyd cyflym a dibynadwy. Wel fe wnaethon ni’r ddau gyntaf, ac fe roddodd Ogi’r cysylltiad inni.”
~ Cai Gwinnutt, Prif Swyddog Technoleg, Tramshed tech
Ryn ni ’ma i helpu
Ryn ni’n barod i helpu dy fusnes ym mhob ffordd dan haul: o gynhyrchion i dy gadw’n ddiogel ac yn barod at y dyfodol, i’r holl wasanaethau a’r cymorth TG y bydd eu hangen arnat ti. A’r cyfan yn dod gennyn ni fan hyn yng Nghymru.
Mae tîm cyfeillgar ein Desg Wasanaeth i Fusnesau yng Nghaerdydd yn arbenigwyr heb eu hail, a’u busnes nhw yw dod i nabod dy fusnes di. Bydd modd siarad ag unigolyn go iawn wastad, pryd bynnag y bydd galw, a gan ein bod ni’n gwmni lleol, bydd ein tîm yn gallu datrys pethau mewn dim o dro. A hynny wastad â gwên.